Language: Malayalam

ആദിത്യകിരണങ്ങള്‍ അഞ്ജനമെഴുതും
അകക്കണ്ണുമായൊരമ്മ... കണ്ണില്‍
ആയിരം കടലുള്ളൊരമ്മ
അമ്മ യശോദ ചൊല്ലുന്നു കണ്ണാ..
അസുരവധം നിന്റെ ധര്‍മ്മം

അന്നവും അറിവും പകര്‍ന്നു തന്നു.. ഈ
അമ്മത്തണലില്‍ നീ വളര്‍ന്നു..
പല പല രൂപത്തില്‍ കലിയാകുമധര്‍മ്മത്തെ
പരലോകം ചേര്‍ക്കുന്ന കണ്ണാ.... നിന്റെ
പാട്ടിനു കൂട്ടൊരു പാഴ്മുളം തണ്ട്
(ആദിത്യകിരണങ്ങള്‍)

കര്‍മ്മവും വഴിയും തെളിച്ചു തന്നു.. ആ
കൈവിരല്‍ത്തുമ്പില്‍ നീ നടന്നു
മഥുരയ്ക്കു തേരേറിപ്പോകുന്നൊരമ്പാടി
മഴമുകിലാമെന്റെ കണ്ണാ...കണ്ണാ...നിന്റെ
മൗനത്തിന്‍ കൂട്ടിനായ് അമ്മയുമുണ്ട്
(ആദിത്യകിരണങ്ങള്‍)

Movie/Album name: White Boys