Language: Malayalam

അണിവൈരക്കല്ലുമാല ചാര്‍ത്തിവന്നാല്‍
കളരിവിളക്കിലെ ദേവത നീ
പഞ്ചശരങ്ങളോടെ മുന്നില്‍ വന്നു നില്‍ക്കെ
മന്മഥദേവനല്ലോ നീ ഓ...ഓ....
അരികില്‍ വരൂ മഴവില്‍ക്കൊടിയേ

(അണിവൈര)

ആരോ മോഹനതംബുരു മീട്ടുന്നൂ
പാര്‍വ്വണചാരുതയലിയുന്നൂ
പ്രിയരാവിന്‍ ചഷകം നിറയുന്നൂ (ആരോ)
ദേവഗംഗപോലെ ആത്മരാഗമൊഴുകുന്നൂ
ഇനി വൈകുവതെന്തേ, ഇതു പൗര്‍ണ്ണമിയല്ലേ
എന്‍ മണിയറവാതില്‍ തുറന്നെഴുന്നെള്ളൂ നീ

(അണിവൈര)

രാവിന്‍ പല്ലവപാണികള്‍ തഴുകുന്നു
കാല്‍ത്തളമേളമിതുയരുന്നു
പ്രിയസഖിമാര്‍ നടനം തുടരുന്നൂ (രാവിന്‍)
രാജഹംസമായി ചന്ദ്രലേഖയണയുന്നൂ
ഇനി വൈകുവതെന്തേ, മദനോത്സവമല്ലേ
ഇന്നലര്‍ശരപരിതാപം പാടിവരൂ നീ

(അണിവൈര)

Movie/Album name: Kudamaattam