Language: English

Ho....chehra hai ya chand khila hai
Zulf ghaneri shaam hai kya
Saagar jaisi aankhon vaali
Ye to bataa tera naam hai kyaa....

Are...tu kya jaane teri khaatir
Kitna hai betaab ye dil
Tu kya jaane dekh raha hai
Kaise kaise khwaab ye dil....
Dil kehta hai tu hai yahaan to
Jaata lamha tham jaaye
Waqt ka dariya behte behte
Is manzar mein jam jaaye
Toone deewana dil ko banaaya
Is dil par ilzaam hai kya
Saagar jaisi aankhon vaali
Ye to bataa tera naam hai kyaa....

Ho.....aaj main tujhse door sahi
Aur tu mujh se anjaan sahi
Tera saath nahin paoon toh
Khair tera armaan sahi
Yeh armaan hain shor nahi ho
Khamoshi ke mele ho
Is duniya mein koi nahi ho
Hum dono hi akele ho
Tere sapne dekh raha hoon
Aur mera ab kaam hai kya
Sagar jaisi aankhon waali
Yeh toh bata tera naam hai kya....

Movie/Album name: Beautiful