Language: Malayalam

ശരത്കാലത്തുദിക്കുന്ന മുഴുത്തിങ്കളേ
മലയാളക്കര കണ്ടുവോ
(ശരത്കാല )
മലരെങ്ങും വിരിയുന്ന
മനസ്സെങ്ങും നിറയുന്ന
പുതുമകളെല്ലാം നീ കണ്ടോ
തിര ഞൊറിയൂ നീ ഇതിലേ

(ശരത്കാല )

തിറയും തെയ്യവും കിളിമകള്‍പാട്ടും
വേദാന്തമൊഴുകുന്ന പുഴയും
(തിറയും )
കഥകളിവിളയും കൂത്തുപറമ്പും
ജപമണിയുണരും സുന്നഹദോസും
മാപ്പിളക്കളിപ്പാട്ടും പുണരും
ഇവിടെ ഈണം നാട്ടിയോ
നിന്‍ കതിരൊളിമഴ നീ ചൊരിയൂ

(ശരത്കാല )

നബിയും രാമനും മിശിഹയുമെന്‍
കൈകോര്‍ത്തു് നടക്കുന്നുണ്ടിതിലെ
(നബിയും )
കവിതകളൊഴുകിയ ചങ്ങമ്പുഴയും
കലയുടെ പദസരമണിമേളകളും
കേരളക്കര ചെയ്ത സുകൃതം
ഇതിലെ പൂന്തേരീവഴിയേ
നിറമതിയഴകേ ഇതിലേ

(ശരത്കാല )

Movie/Album name: Maharshi