Language: English

Ormmakalkkoppam ilavelkkuvaanaay
Baalyathinomal kaalam vilippuu
Poo neetti nilppuu pulmedakal pon-
Kathir choodi nilppuu vayalelakal...
Paadaan olavaalan kiliyude
Poonthen vaaythaarikal.....
Engum nirachaarthenthenthu ghosham...
Ormmakalellaam ormmakal maathram...
Ormmakalkkoppam ilavelkkuvaanaay
Baalyathinomal kaalam vilippuu...

Poovaakakkompil oru kaippaadakale
Olichiriyumaay nilkkum kulirampilikkaay
Kaineetti nokkaan vempunnu hridayam
Ethramel dhanyam aa nalla kaalam...
Ormmakalkkoppam ilavelkkuvaanaay
Baalyathinomal kaalam vilippuu...

Kaikorthu nammal kalichiriyude theril
Priyatharamaam theerangal
Thedunnu veendum...
Karalcherthu kaliveedu theerthum rasichoraa
Nairmlyamerum baalyam vilippuu...
Ozhukunnu kaalam orumichu nammal
Oruvela chernnum veendum pirinjum...

Language: Malayalam

ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ
പൂനീട്ടി നില്പൂ പുൽമേടകൾ പൊൻ-
കതിർചൂടി നില്പൂ വയലേലകൾ...
പാടാൻ ഓലവാലൻകിളിയുടെ
പൂന്തേൻ വായ്ത്താരികൾ.....
എങ്ങും നിറച്ചാർ‌ത്തെന്തെന്തുഘോഷം...
ഓർമ്മകളെല്ലാം ഓർമ്മകൾ മാത്രം...
ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ...

പൂവാകക്കൊമ്പിൽ ഒരു കൈപ്പാടകലെ
ഒളിചിരിയുമായ്‌ നിൽക്കും കുളിരമ്പിളിക്കായ്
കൈനീട്ടി നോക്കാൻ വെമ്പുന്നു ഹൃദയം
എത്രമേൽ ധന്യം ആ നല്ലകാലം...
ഓർമ്മകൾക്കൊപ്പം ഇളവേൽക്കുവാനായ്
ബാല്യത്തിനോമൽക്കാലം വിളിപ്പൂ...

കൈകോർത്തു നമ്മൾ കളിചിരിയുടെ തേരിൽ
പ്രിയതരമാം തീരങ്ങൾ തേടുന്നു വീണ്ടും...
കരൾ‌ചേർത്തു കളിവീടു തീർത്തും രസിച്ചൊരാ
നൈർമ്മല്യമേറും ബാല്യം വിളിപ്പൂ...
ഒഴുകുന്നു കാലം ഒരുമിച്ചു നമ്മൾ
ഒരുവേള ചേർന്നും വീണ്ടും പിരിഞ്ഞും...

Movie/Album name: Namboothiri Yuvaavu Vayassu 43