sabella Isabella Karalin Pon Nidhi

2024
Lyrics
Language: Malayalam

ഇസബെലാ ഇസബെലാ
കരളിൻ പൊൻനിധിയാണു നീ
നിഴലുപോൽ അരികെ ഞാൻ
അതിരു കാക്കണ കാവലും
കപ്പലുകൾ മുത്തമിടും
മധുരമീ പറുദീസയിൽ
നാടു വാഴും നായകൻ ‌തൻ
അരിയ രാജകുമാരി നീ
ചിണുങ്ങും പാവയല്ലേ
തിളങ്ങും വൈരമല്ലേ
ബറോസിൻ ഗാനമെന്നും
നിനക്കായ് മാത്രമല്ലേ
ഇസബെലാ ഇസബെലാ
കരളിൻ പൊൻനിധിയാണു നീ
നിഴലു പോൽ അരികെ ഞാൻ
അതിരു കാക്കണ കാവലും
തെളിഞ്ഞൂ താരകങ്ങൾ
ഇവളെ ഒരു നോക്കു കാണാൻ
തിരഞ്ഞൂ കോകിലങ്ങൾ
കുരുന്നു കവിളുമ്മ വയ്ക്കാൻ
മൊഴിഞ്ഞൂ തിങ്കളും ശലഭങ്ങളും
ഇവൾ വേണമെന്ന്
പറഞ്ഞൂ മെല്ലെ ഞാൻ
തരുകില്ല ഞാൻ
നിധിയാണിതെന്ന്
ദൈവകണമുള്ളൊരു ചൈതന്യമീ
കുഞ്ഞോമലെന്ന് ജീവനെന്ന്

ഇളം പൂപ്പൈതലേ നീ
വളരുമൊരു നാളണഞ്ഞാൽ
ആകാശച്ചില്ല തേടി
ചിറകിലുയരങ്ങൾ പോയാൽ
തുളുമ്പും കണ്ണുമായ് ചിരിയോടെ ഞാൻ
അതു നോക്കി നിൽക്കാം
യുഗങ്ങൾ താഴെ നിൻ വരവോർത്തു ഞാൻ
നിറവോടെ നിൽക്കാം
ഉള്ളു തിരിയാക്കിടാം നിറസ്നേഹമായ്
അതിനെന്നെ താങ്ങാം ദീപമാകാം
ഇസബെലാ ഇസബെലാ
കരളിൻ പൊൻനിധിയാണു നീ
നിഴലുപോൽ അരികിൽ ഞാൻ
അതിരു കാക്കണ കാവലും
രാവൊരുങ്ങീ ലാവിറങ്ങീ
പറന്നിറങ്ങി മിനുങ്ങുകൾ
വെള്ളിമിഴി പൂട്ടി മെല്ലെ
കനവു കണ്ടു മയങ്ങു നീ
ഡി ഗാമാ തമ്പുരാന്റെ
കുരുന്നേ കുഞ്ഞുപൂവേ
നിനക്കായ് നാളെയേതോ
പ്രഭാതം കാത്തിരിപ്പൂ
ഇസബെലാ ഇസബെലാ
കരളിൻ പൊൻനിധിയാണു നീ
നിഴലുപോൽ അരികെ ഞാൻ
അതിരു കാക്കണ കാവലും
ഉം ... ഉം ...ഉം..ഉം..ഉം..
Movie/Album name: Barroz: Guardian of Treasures
Artists