Language: Malayalam

കരിമ്പുകൊണ്ടൊരു നയമ്പുമായെന്‍
കരളിന്‍ കായലില്‍ വന്നവനേ
കൊതുമ്പുതോണിയിലെന്നെയിരുത്തി
തുഴഞ്ഞു പോവുക നീ
ഓ തെയ്യന്നാരേ തനന്നാരേ താനാരേ

കറമ്പി വാവിന്‍ മടിയില്‍ നിന്നൊരു
വെളുത്ത സ്വപ്നകുമാരി
വളകള്‍ കിലുക്കിയുണര്‍ത്തുമ്പോള്‍ നീ
ഒളിച്ചു പോകുവതെവിടേ?
എന്നെ തനിച്ചുറക്കുവതെന്തേ?
ഓ തെയ്യന്നാരേ തനന്നാരേ താനാരേ(2)
(കരിമ്പുകൊണ്ടൊരു ..)

അരയാല്‍ കുരുവികള്‍ കതിരുനിരത്തി
കുരവമുഴക്കും കാവില്‍
ആരും കാണാതണിയിക്കാം ഞാന്‍
കൊരുത്ത തുളസിമാല പകരം
തരുമോ വെള്ളി പുടവ?
ഓ തെയ്യന്നാരേ തനന്നാരേ താനാരേ(2)
(കരിമ്പുകൊണ്ടൊരു ..)

Movie/Album name: Ulsavam