നിറമെഴുതും പോലെ ഉള്ളാകേ നിൻ ചിരിമഴകൾ പൊഴിയും നേരം കണ്ണോരം കാണാൻ ഇന്നാരോ വിണ്ണോളം മോഹം പാകി നീയോ ചെന്താമരയായ് എന്നിൽ വിടരുമ്പോഴും അലിയുന്നു താനേ നീയാണന്നേ എൻ പ്രണയം കൊഞ്ചും നെഞ്ചോരം (നിറമെഴുതും ..)
പൂങ്കുയിലായ് എൻ കാതിൽ മൂളുമ്പോൾ മധുരാഗം സിരയിൽ മെല്ലെ ചേരുന്നു കടലോളം കൊതിയുണ്ടെന്നഴകേ നീ തിരയെന്നെ തഴുകാനെൻ തീരത്ത് മോഹക്കരയിൽ ഒരു നിറതോണിയായ് നിഴലേ തുഴയായ് ഇന്നു വന്നില്ലേ നീ സന്ധ്യ പൂക്കുന്നു രാഗമേറുന്നു നീയറിഞ്ഞില്ലയോ
ഇനി വരുമോ കാറ്റെന്നെ തഴുകാനായ് ഇടനെഞ്ചിൽ തുടിയായ് വീണ്ടും പാടാനായ് ശ്രുതി മീട്ടാൻ തംബുരുവോ എന്നരികെ മുരളികയിൽ ലയമായിന്നു പാടൂ നീ ചാറ്റൽമഴയിൽ തുള്ളും മൊഴിമുത്തുമായ് കവിതേ മധുവായ് ഇന്നു പെയ്യില്ലേ നീ മേഘമൊഴിയുന്നു ചില്ല പൂക്കുന്നു എന്നിലലിയില്ലയോ (നിറമെഴുതും ...)