Language: Malayalam

മാര്യേജ് മാര്യേജ് മാര്യേജ് ഇറ്റ്സ് മീയർ നോൺസെൻസ്
ഒരേ മേടയിൽ ഒരേ ശയ്യയിൽ വാഴും ദമ്പതിമാരേ
വിരസം വിരസം വിവാഹബന്ധം ആവർത്തനവിരസം

മാര്യേജസ് ആർ മേട് ഇൻ ഹെവൻ മാര്യേജ് മാര്യേജ് മാര്യേജ്
മംഗല്യഭാഗ്യം മഹാഭാഗ്യമേ മങ്കയ്ക്കു പതിയെ ദൈവം
മനസ്സിനിണങ്ങും സ്ത്രീയും പുരുഷനും മേവുന്നിടമേ സ്വർഗ്ഗം

വിടർന്നു നിൽക്കും പൂക്കളിലെല്ലാം വിരുന്നു പോകും മധുപൻ
സപ്തസ്വരവും മേളിക്കാതെ സംഗീതധ്വനിയുണ്ടോ

അട്ടർ നോൺസെൻസ് കതിർമണ്ഡപം താൻ കൈവല്യമേ
കുടുംബമെന്നാൽ പുണ്യക്ഷേത്രം
ജാതിമതങ്ങൾ പദവികളെല്ലാം മായും സംഗമതീർഥം

മധുരം തേടും യൗവ്വനകാലംമാറി വരുന്നൊരു ലോകം
വിവാഹമാകും തടവറയിൽ വാടി നശിക്കുകയല്ലേ

ഭാഗ്യം ഭാഗ്യം വിവാഹബന്ധം ഈ ലോകത്തിൽ സ്വർഗ്ഗം
ഈ ലോകത്തിൽ സ്വർഗ്ഗം

Movie/Album name: Sundarimaarude Swapnangal