Language: Malayalam

നിലാമഴയില്‍ കിനാവിതളില്‍
അറിയാതെ നീ നിറയും
മിഴിച്ചിമിഴിന്‍ പ്രഭാമൊഴിയില്‍
പറയാതെ പറയുകയായ്
ഹൃദയ മന്ദ്രാക്ഷരം പകരുന്നൊരീ
മറുവാക്കു പോലും മൗനമാവുകയോ

വിരല്‍പ്പൂ തുമ്പു തഴുകാനായ്
വിലോലം നീട്ടി ഞാന്‍
ഒരേ ചിറകില്‍ പറന്നുയരാന്‍
വിളിക്കുകയാണു ഞാന്‍
ഇതിലെ നീ മഴവില്‍ ചിറകില്‍
വരികയെന്‍ നെഞ്ചിലെ
മൈന പാടുകയായ്‌

വിടര്‍ത്തു പൊന്‍ വസന്തം നീ
വിമൂകം തന്ത്രിയില്‍
ഒരേ ശ്രുതിയില്‍ നിറഞ്ഞലിയാന്‍
വിളിക്കുകയാണു ഞാന്‍
പറയു നിന്‍ ഹൃദയം നിറയെ
പവിഴമോ പാട്ടിലെ
ദേവ ദൂതികളോ

Movie/Album name: Rameshan Avadhiyilaanu