നാടോടിക്കാറ്റേ നീ നീലലോലരാവിൻ കാതിൽ എന്തേ ചൊല്ലീ പതിയേ നാളേറെ തേടും ഒരു കുഞ്ഞുതാരമിന്നീ വാനിൽ നിന്നും ചാരെ പൊഴിയേ പറയാതെ അറിയാമോ ഇടനെഞ്ചിലെ ദലമർമരം നിഴലാകാം തണലാകാം നിൻ പാതയിൽ (നാടോടിക്കാറ്റേ ...)
ആനന്ദമായ് തുടുനിറപ്പൂമ്പാറ്റകൾ കളി മൊഴിഞ്ഞും കനവൊഴിഞ്ഞും വരവായ് വാസന്തവും നീളുന്നുവോ ഒളിതെളികണ്ണേറുകൾ ഇരുമനസ്സിൽ പുതുരഹസ്യം കുറുകുന്ന കിന്നാരമെന്നുള്ളിൽ തൂമഞ്ഞു പോൽ ഒരു മോഹം മെല്ലെ മൂളുന്ന നേരം കൂടെ പാടുവാൻ നീ പോരുമോ
നിൻ ചെഞ്ചുണ്ടിലെ ചെറു ചിരിപ്പൂമൊട്ടുകൾ മൊഴിയൊരുക്കും വിരലനക്കം മഴവില്ലു വരയുന്നതെന്നുള്ളിൽ രാവേറെയായ് അരികത്തായ് വന്നു ചേരാനിതെന്തേ ഇനിയും വൈകി നീ ആരോമലേ (നാടോടിക്കാറ്റേ ....)