Mariye Nin Mizhiyil

2025
Lyrics
Language: Malayalam

മറിയേ നിൻ മിഴിയിൽ മഴ മലരായ് നോവിൻ
പിണരുകളെല്ലാം ചിതറുകയല്ലോ
അമലേ നിന്നുയിരിൽ എരിവെയിലിൻ കനലായ്
വ്യാകുലമേതോ വളരുകയല്ലോ
ആത്മാവിൻ തിരികെട്ടു പോകും വരെ
കരളിൽ കുരിശേറ്റു വാങ്ങി നിന്നീ
നസറേത്തിൻ നന്മക്ക് നിറമേകുവാൻ
നിറയും മഴി നീരിൽ പാടുകയായ്
മറിയേ നിൻ മിഴിയിൽ മഴ മലരായ് നോവിൻ
പിണരുകളെല്ലാം ചിതറുകയല്ലോ
അമലേ നിന്നുയിരിൽ എരിവെയിലിൻ കനലായ്
വ്യാകുലമേതോ വളരുകയല്ലോ

അണയും മുൻപേ ആളും തീയായ്
ഹൃദയം വ്യഥയായ് ഉരുകുകയല്ലോ
മുറിവിൽ വളരും കുരിശിൻ നിഴലിൽ
വ്രണവും നിണവും പുണരുകയല്ലോ
നാളെ പുലരുന്ന പൊൻ പൂവിനും
നാവിൽ പകരുന്നു നിൻ സാന്ത്വനം
നീറി പിടയുന്ന നിരാശയും
ശാരിക്കരയുന്നു നിൻ ക്രൂശിലിൽ
മറിയേ നിൻ മിഴിയിൽ മഴ മലരായ് നോവിൻ
പിണരുകളെല്ലാം ചിതറുകയല്ലോ
അമലേ നിന്നുയിരിൽ എരിവെയിലിൻ കനലായ്
വ്യാകുലമേതോ വളരുകയല്ലോ

അമ്മേ നിന്നെ നോവിച്ചോ ഞാൻ
കൊഞ്ചും മൊഴികൾ വേദന തന്നോ
കരയാൻ പോലും കഴിയാതുരുകും
കരളിൻ ദീപം നീയാണമ്മേ
എന്തേ മിണ്ടാതകന്നമ്മ പോയ്
ആരും ഇല്ലാതെ അലയുന്നു ഞാൻ
നിന്നെ കാണാതൊരുമാത്രയിൽ
പാവം എന്നെ തനിച്ചാക്കിയോ
മറിയേ നിൻ മിഴിയിൽ മഴ മലരായ് നോവിൻ
പിണരുകളെല്ലാം ചിതറുകയല്ലോ
ആയേ നിന്നുയിരിൽ എരിവെയിലിൻ കനലായ്
വ്യാകുലമേതോ വളരുകയല്ലോ
Movie/Album name: Jerryude Aanmakkal
Artists