Language: Malayalam

ഇന്ദീവരങ്ങളെന്‍ പൊയ്കയില്‍ മൊട്ടിട്ടു
മുങ്ങിത്തുടിച്ചു നനഞ്ഞു നില്‍ക്കും
മെല്ലെയാ പൂക്കളില്‍ വീശുന്ന കാറ്റിന്റെ
തുമ്പു തറച്ചെന്‍ ഉടല്‍ വിറയ്ക്കും
സന്തതം നിന്‍ മിഴിയെത്തുന്ന ദൂരത്ത്
ഉണ്ടാവണമെന്നു മോഹമേറും
ചന്തം വെടിയാതെയാകാശസീമയില്‍
ചന്ദ്രനെച്ചേര്‍ത്തു പിടിച്ച രാവേ

മണ്ണിന്‍ മുറിവിലൂടെ
തളിര്‍നൊന്തു പൊടിച്ച പോലെ
വിണ്ണിന്‍ പിളര്‍പ്പിലൂടെ
മഴ ചിന്തിത്തെറിച്ചപോലെ
ജീവന്റെ നാമ്പുകള്‍ തൂകിത്തുളുമ്പുന്നൊരാരണ്യമായി
ഞാന്‍ കാത്തുനില്‍പ്പൂ
പ്രേമത്തിനഗ്നിയില്‍ വെന്തുനീറാം
ശേഷിപ്പുകള്‍ മാത്രമോര്‍ത്തുവയ്ക്കാം
നിന്റെ വിയര്‍പ്പിറ്റു വീഴുന്ന ഭൂമിയില്‍
വിത്തായ് ഉറങ്ങിക്കിടന്നുവെങ്കില്‍
നിന്നിലെ വര്‍ഷവും വേനലും ശൈത്യവും
മെല്ലെ വന്നന്നെ ഉണര്‍ത്തിയെങ്കില്‍

Movie/Album name: Aattam