Language: Malayalam

നങ്ങേലി പൂവേ കുന്നോളം ദൂരെ ഒന്നായി പോവണ്ടേ
ചങ്ങാതി വാവേ നിന്നോടു കൂടെ കണ്ണായി ഞാനില്ലേ
ചെറുനാട്ടു പാതകളിൽ കനവിന്റെ മാമലയിൽ
തളരാതെ നീ ചുവടേറവേ തണലായി ഞാനരികേ

നങ്ങേലി പൂവേ കുന്നോളം ദൂരെ ഒന്നായി പോവണ്ടേ
ചങ്ങാതി വാവേ നിന്നോടു കൂടെ കണ്ണായി ഞാനില്ലേ

ഒമലേ മണിപ്പൈതലേ ഇടനെഞ്ചിലേ മിടിയേ
നോവിലും നിറവേകിടും ചിരിയാണു നീ അഴകേ
കുഞ്ഞു കാലടിയോടെ നീ കനവേറിടും നിമിഷം
നെഞ്ചുടുക്കിലെ മോഹതാളമുണർന്നിടും സമയം
മിഴിനീർക്കണം പൊഴിയുന്നു ഞാൻ
മഴ പോലെ എൻ മകളേ
നങ്ങേലി പൂവേ... എന്നോമൽ വാവേ...

പൂവുപോൽ വിരിയുന്നു നീ അതു കണ്ടു ഞാനരികെ
കാറ്റു പോലെ നിനക്കു പൂന്തണലേകി നിന്നരികേ
നീ കൊതിച്ചതു പോലെ നിന്നിലെ
ആശ പൂവിടവേ
നീല നീല നിലാവു പോൽ മുഖമൊന്നു മിന്നിടവേ
നിറയുന്നിതെൻ മനമാകെയും
ഉയിരിന്റെ കൺമണിയേ

നങ്ങേലി പൂവേ കുന്നോളം ദൂരെ ഒന്നായി പോവണ്ടേ
ചങ്ങാതി വാവേ നിന്നോടു കൂടെ കണ്ണായി ഞാനില്ലേ...

Movie/Album name: Maalikappuram