Mounam

2018
Lyrics
Language: Malayalam

മൗനം നിൻ മൊഴിയായ് കാതിൽ നറുമഴയായ്
മേലെ മുകിലഴകായ് എന്നിൽ കണിമലരായ്
നിൻ കാതിൽ പതിയെ കഥകൾ പറയാം
എൻ മോഹം മുഴുവനുമിനി ഞാൻ പകരാം
എന്നിൽ നീ എങ്ങും നീ
ആരോ മൂളും കവിതയിലുതിരും സുഖം
എന്നിൽ നീ എങ്ങും നീ
ഓരോ നേരം മനസ്സിതു നുകരും മുഖം
ആയിരം നിറങ്ങളാൽ മിഴിവാതിൽ മെല്ലെ തുറക്കാം
ആയിരം കിനാക്കളാൽ ഒരു മിന്നൽ പീലിവിടർത്താം
ആരേ വിരിയും മലരിതൾ മധുവായ്
വാനിൽ ഉയരും ഒരു കിളിമൊഴിയഴകായ്
മഞ്ഞായ് അലസം വെറുതെ മൊഴിയായ്
നിന്നുള്ളിൽ ഒരു ചെറുകുളിരായ് കുറുകാം
എന്നിൽ നീ എങ്ങും നീ
ഓരോ നേരം മനസ്സിതു നുകരും മുഖം
മേലെ വിണ്ണിൽ മഴയിതളായ്
മണ്ണിൻ മെയ്യിൽ പൊഴിയുമ്പോൾ
ചെറു ചെറു ചിറകായ് വഴിയോരം
വെറുതെ അലഞ്ഞീടാൻ
നനുനനെ പൊഴിയും കുളിരിൽ
നാം ഒഴുകി നിറഞ്ഞീടാൻ
നിൻ കാതിൽ പതിയെ കഥകൾ പറയാം
എൻ മോഹം മുഴുവനുമിനി ഞാൻ പകരാം
എന്നിൽ നീ എങ്ങും നീ
ആരോ മൂളും കവിതയിലുതിരും സുഖം
എന്നിൽ നീ എങ്ങും നീ
ഓരോ നേരം മനസ്സിതു നുകരും മുഖം
-ജിജ സുബ്രഹ്മണ്യൻ
Movie/Album name: Maangalyam Thanthunanena
Artists