Language: Malayalam

മാമ്പഴക്കാലം വന്നേ പൂങ്കുയിൽ പാട്ടുണർന്നേ
മാനസം പൂത്തുലഞ്ഞേ കണ്ണമ്മാ
കൂട്ടിനായ് നീ വരില്ലേ രാക്കിനാചില്ലയിലെ
മാമ്പഴം നീ തരില്ലേ കണ്ണമ്മാ
ആശപ്പെട്ടു നീ വരല്ലേ ഇല്ലാ മാമ്പഴമില്ലാ
അഞ്ചിക്കൊഞ്ചി നീ വരല്ലേ കിന്നാരത്തിനുമില്ലാ
എന്റെ പെണ്ണേ എന്റെ പെണ്ണേ ഒന്നു വന്നേ ഒന്നു നിന്നേ
എന്റെ ചങ്കു പിടയ്ക്കണു കണ്ണു തുടിക്കണു ചുന്ദരിപ്പെണ്ണിനെ കണ്ടു കൊതിക്കണ്
മാമ്പഴക്കാലം വന്നേ പൂങ്കുയിൽ പാട്ടുണർന്നേ
മാനസം പൂത്തുലഞ്ഞേ കണ്ണമ്മാ

കരിമഷി കസവിടും മിഴിയൊളിക്കണതെന്തേ
അനുദിനം അവനിലീ കുറുമ്പെടുക്കണതെന്തേ
നിഴലു പോൽ വഴികളിൽ പിറകെയെത്തണതല്ലേ
ഒരു കുറി ഒരു കുറി തിരിഞ്ഞു നോക്കിടുകില്ലേ
ഇനി തുള്ളിത്തുള്ളി തെന്നൽ പോലെ പിറകെയോടി വരല്ലേ
മഴവെള്ളം പോലെ കാതിൽ വന്നേ ചിലചിലമ്പണതെന്തേ
അടി പെണ്ണേ ഇനി നീയെൻ കണ്ണേ
തുണയാകാനില്ലേ പറയാമോ പൊന്നേ

കടലു പോൽ കരളിലെ തിരയടിക്കണതെന്തേ
പറയുവാൻ ഒരു മൊഴി തിരഞ്ഞു നിക്കണതെന്തേ
കവിളുകൾ കദളി പോൽ തുടുതുടുക്കണതെന്തേ
കനവുകൾ തെരുതെരെ പറന്നു മുത്തണതെന്തേ
മണിമേഘം പോലെ ഉള്ളിനുള്ളിൽ നിനവു മിന്നണതില്ലേ
അനുരാഗം മെല്ലെ മെല്ലെ മെല്ലെ കരളിലെത്തണതില്ലേ
അരിമുല്ലേ മഴവില്ലിൻ തെല്ലേ ഇവനൊപ്പം ഇല്ലേ ഇനിയെന്നും പെണ്ണേ

മാമ്പഴക്കാലം വന്നേ പൂങ്കുയിൽ പാട്ടുണർന്നേ
മാനസം പൂത്തുലഞ്ഞേ ചെല്ലയ്യാ
കൂട്ടിനായ് നീ വരില്ലേ രാക്കിനാചില്ലയിലെ
മാമ്പഴം നീ തരില്ലേ കണ്ണമ്മാ
ആശപ്പെട്ടു നീ വരല്ലേ ഇല്ലാ മാമ്പഴമില്ലാ
അഞ്ചിക്കൊഞ്ചി നീ വരല്ലേ കിന്നാരത്തിനുമില്ലാ
എന്റെ പെണ്ണേ എന്റെ പെണ്ണേ ഒന്നു വന്നേ ഒന്നു നിന്നേ
എന്റെ ചങ്കു പിടയ്ക്കണു കണ്ണു തുടിക്കണു ചുന്ദരിപ്പെണ്ണിനെ കണ്ടു കൊതിക്കണ്

Movie/Album name: Pokkiri Simon Oru Kadutha Aaraadhakan