Language: Malayalam

മാങ്ങാപ്പൂളു പോലൊരു പ്രായം കൊതിയുപ്പിനു പോകുന്നു
നാവിൽ വെള്ളമൂറണ കാലം പുളി കൂട്ടിനു ചേരുന്നു
ഉള്ളിൽ തുളുമ്പണു മധുരം കൗമാരം മണമെല്ലാം തൂവി
ചെറുചിരി പോലും ഇതളു വിരിക്കും പൂവുകളാകുന്നു
കണ്ണു കണ്ണിനുള്ളിലുള്ള കടലിനെ നോക്കി കവിതകളെഴുതുന്നു
മാങ്ങാപ്പൂളു പോലൊരു പ്രായം കൊതിയുപ്പിനു പോകുന്നു

മാങ്ങാ ചുന പോലെ വെളുത്തും മഴ കൊഞ്ചണ പോലെ ചിരിച്ചും
പാടാക്കിളി പോലും മൂളിപ്പാടണ പ്രായം
ചുണ്ടിൽ ചെറുപുഞ്ചിരി തഞ്ചും കസ്തൂരി മുഖക്കുരു പൊന്തും
കണ്ണിൽ ചെറുപ്രായത്തിന്റെ കുറുമ്പു കിലുങ്ങും
പഴയൊരു നെടുവീർപ്പിൽ തൊട്ടു തലോടാൻ മാത്രം കാലം നില്പാണ്
മാങ്ങാപ്പൂളു പോലൊരു പ്രായം കൊതിയുപ്പിനു പോകുന്നു
നാവിൽ വെള്ളമൂറണ കാലം പുളി കൂട്ടിനു ചേരുന്നു

മിണ്ടാനൊരു നിമിഷം തന്നു മൗനത്തിനു മധുരം വന്നു
ഈണത്തിലൊരിമ്പം ചേർന്നു നനഞ്ഞു കുതിർന്നു
കാണുന്നൊരു പൂവിനുമിഷ്ടം കേൾക്കുന്നൊരു പാട്ടിലുമിഷ്ടം
നോക്കുന്നതിലെല്ലാം അവളുടെ ചന്തമുലഞ്ഞു
ഇഷ്ടം മുതൽ ഇഷ്ടം വരെയെന്നോർക്കാൻ മാത്രം ഞാനും നില്പാണ്
മാങ്ങാപ്പൂളു പോലൊരു പ്രായം കൊതിയുപ്പിനു പോകുന്നു
നാവിൽ വെള്ളമൂറണ കാലം പുളി കൂട്ടിനു ചേരുന്നു
ഉള്ളിൽ തുളുമ്പണു മധുരം കൗമാരം മണമെല്ലാം തൂവി
ചെറുചിരി പോലും ഇതളു വിരിക്കും പൂവുകളാകുന്നു
കണ്ണു കണ്ണിനുള്ളിലുള്ള കടലിനെ നോക്കി കവിതകളെഴുതുന്നു
മാങ്ങാപ്പൂളു പോലൊരു പ്രായം കൊതി കൂട്ടിനു പോകുന്നു
നാവിൽ വെള്ളമൂറണ കാലം പുളി കൂട്ടിനു ചേരുന്നു

Movie/Album name: Thrissivaperoor Kliptham