Language: Malayalam

ഒരു നാണം വിരിയുമ്പോൾ
മുഖംപൊത്തും പുതുമണവാട്ടി
അണിയിപ്പൂ കൺമണി നിന്റെ
അല്ലിത്താമര കണ്ണുകളെഴുതി
അലങ്കാര മോടികളോടെ
തളിർമെയ്യാകെ അത്തറുപൂശി
ഒരു നാണം വിരിയുമ്പോൾ
മുഖംപൊത്തും പുതുമണവാട്ടി

ഖൽബിലെ പൈങ്കിളി പിടയുന്നത്
കവിളിണ കണ്ടാൽ അറിയാലോ
ബഹറിലെ തിരകൾ ഇളകുന്നത്
മിഴിയിണ കണ്ടാൽ അറിയാലോ
ഇത്തിരിനേരം പോയാലോ
മാരനെ നേരിൽ കാണാലോ
(ഒരു നാണം...)

പനിനീർ മലരുകൾ ചേരുന്നത്
ചൊടിയിണ കണ്ടാൽ അറിയാലോ
കഹനിലെ ഒളികൾ പടരുന്നത്
ചിരിയിതൾ കണ്ടാൽ അറിയാലോ
ഇത്തിരി കൂടെ കഴിഞ്ഞാലോ
ഇഷ്ടങ്ങൾ തമ്മിൽ പകരാലോ
(ഒരു നാണം...)

Movie/Album name: Aarundivide Chodikkaan