Language: Malayalam

പുഴയൊരു നാട്ടു പെണ്ണ്
അഴകൊഴുകുന്ന കണ്ണ് (2)
കസവൊത്തൊരുടയാട ഞൊറിഞ്ഞു കുത്തി
കതിരൊത്ത ചന്ദനക്കുറിയും തൊട്ട്
ചിരിമണിമുത്തുകൾ വിതറിക്കൊണ്ടേ
എങ്ങാണ്ടെങ്ങാണ്ടെങ്ങു പോണേ (2)

പുഴയൊരു നാട്ടു പെണ്ണ്
അഴകൊഴുകുന്ന കണ്ണ്
കറുത്ത മണ്ണിൽ പാടവരമ്പത്തൊരുപിടി ഞാറു
ഉടുത്തു കുത്തി ചെറു മകളെ പോര് പോര്
കരിമ്പ ചെമ്പ കാളകളാടി കുഴച്ചിടുന്ന മണ്ണിൽ
ഓഹോ ....ഓഹോ .....ഹോ
കരിമ്പ ചെമ്പ കാളകളാടി കുഴച്ചിടുന്ന മണ്ണിൽ
കരിവള കയ്യാൽ ഞാറിൻ കോടി നടു മകളെ (2)
തത്തിനന്തോം തകത്തിനന്തോം തിത്തിനന്തോം തകതാര (2)

വയലു കണ്ടം കന്നു പൂട്ടിയ വിതവിതച്ചേ തകതാര
തത്തിനന്തോം തകതിനന്തോം തിത്തിനന്തോം തകതാര
വിത്ത് മുളച്ചേ തളിരു വന്നേ ഞാറ്റുവേല കാറ്റടിച്ചേ
തത്തിനന്തോം തകതിനന്തോം തിത്തിനന്തോം തകതാര
കൊച്ചുപെണ്ണേ കുയിലാളേ വെയിലു കേറും മുൻപേ പോര്
തത്തിനന്തോം തകതിനന്തോം തിത്തിനന്തോം തകതാര

പൂവേ പൊലി പൂവേ പൊലി പൂവേ പൊലി പൂവേ
പൊന്നോണം വന്നപ്പോൾ
ആ ...ആ ....ആ..ആ....ആ...
പൊന്നോണം വന്നപ്പോൾ ഒന്നാനാം കുന്നിലെ
പൂക്കാ തെച്ചിക്കും മുന്നാഴി പൂവ്
മാടത്തമ്മ തിരഞ്ഞു നടന്നത് പനയോല കാത്
തൊടി കേറി ചെന്നപ്പം തൊട്ടാവാടിക്കും
നാണം കണ്ടില്ലേ നാണം കണ്ടില്ലേ
എത്താക്കൊമ്പിലെ പിച്ചകമൊട്ടിനും ഉത്രാടത്തേര് (2)
തുമ്പപ്പൂവിനു വമ്പേറെ മുക്കൂറ്റിക്കോ മുൻശുണ്ഠി
കുട ചൂടിക്കാൻ ഓണപ്പൂ വേലി കടന്നും വെയിലേറി
പൂവേ പൊലി പൂവേ പൊലി പൂവേ പൊലി പൂവേ
തന്തനാനിനോ തന്തനാനിനോ തന്തനനെ തന്തനനെ

Movie/Album name: Appooppan Thaadi