Language: Malayalam

കണ്ണിലെപ്പൊയ്കയില്
കുഞ്ഞലമാലയില്
ഞാനോ മീനോ
കാണാത്തീരം തേടിപ്പോകും
പൊൻകിനാത്തോണികളോ
പൊന്നരയന്നങ്ങളോ
ചാഞ്ഞിറങ്ങണ ചന്ദനവെയിലില്
ഞാനലിഞ്ഞൊരു വേളയില്
പൊന്നരളിപ്പൂവു നുള്ളി
നിന്നെ ഞാനോർത്തതല്ലേ

ആറ്റുവക്കിലെ ആഞ്ഞിലിച്ചോട്ടില്
കാത്തുനിന്നൊരു തോണിയല്ലേ
ആർത്തിരമ്പി നിറയണ നേരത്ത്
നീന്തിയെത്തണമൊന്നരികെ
ആരുമൊന്നു നനയാൻ കൊതിക്കണ
രാവിലാദ്യമഴക്കുളിരിൽ
നീ പറയും കഥകളിലൊക്കെയും
പൂമഴത്തുള്ളി തുള്ളിവന്നു
(കണ്ണിലെ)

പോക്കുവെയിലിനു മുങ്ങിക്കുളിക്കുവാ-
നാർത്തി തോന്നണ ചോലയല്ലേ
കൂത്തടിക്കും പരൽമീനെക്കണ്ടപ്പോ-
ളോർത്തുപോയി നിൻ നീൾമിഴി ഞാൻ
കാറ്റിലാടും മരങ്ങളെപ്പോൽ നിന്റെ
നേർക്കു ചായും കിനാവുകളിൽ
നീ നടക്കും വഴികളിലൂടൊരു
തേക്കുചാലുപോലോടിവന്നു
(കണ്ണിലെ)

Movie/Album name: Thondimuthalum Driksakshiyum