Gokulapalam

2024
Lyrics
Language: Malayalam

ഗോകുലബാലൻ പീലിക്കണ്ണൻ
നീലനിലാവിൻ ചേലുകണ്ണൻ
വാർകുഴലൂതും മായക്കണ്ണൻ
ഗോപാംഗനേ നിൻ പ്രണയവർണ്ണൻ
ഗോകുലബാലൻ പീലിക്കണ്ണൻ
നീലനിലാവിൻ ചേലുകണ്ണൻ

ചങ്ങാതിയാമെന്റെ കണ്ണനെ കാണാൻ
വെണ്ണയുമായ് ഞാൻ വന്നതല്ലേ
എന്നോടിതെന്തേ ഇഷ്ടമില്ലേ
എന്നുമീ വാതിലിൽ നിന്നതല്ലേ
ഒളിനോട്ടമില്ലാ ചിരിപോലുമില്ലാ
കുഴലൂതിയഴകാടി അരികേയ്ക്ക് വന്നുള്ള
കളിവാക്കുമില്ലല്ലോ കണ്ണാ
അറിയില്ലയെന്തിനാണു നിൻ പിണക്കം
ഗോകുലബാലൻ പീലിക്കണ്ണൻ
നീലനിലാവിൻ ചേലുകണ്ണൻ

എണ്ണാതെ നിൻ നാമമന്ത്രമോടെ
കണ്ണീരണിഞ്ഞു ഞാൻ കാത്തുനിന്നു
ഇന്നെന്റെ കണ്ണൻ കണ്ടറിഞ്ഞു
ചന്ദനപ്പുഞ്ചിരി പൂവു തന്നു
കനിവോടെ കൊഞ്ചി കഥയേറെയോതി
ഇരുകാതിലണിവാകമണമുള്ള ചുണ്ടോടെ
മണിവേണുഗാനങ്ങളേകി
കരുമാടിക്കണ്ണൻ നിന്നെയെന്തൊരിഷ്ടം
ഗോകുലബാലൻ പീലിക്കണ്ണൻ
നീലനിലാവിൻ ചേലുകണ്ണൻ
വാർകുഴലൂതും മായക്കണ്ണൻ
ഗോപാംഗനേ നിൻ പ്രണയവർണ്ണൻ
Movie/Album name: Kabeerinte Divasangal
Artists