മുളങ്കാടു പൂത്തു തെന്നലേ വയലേല കാണാൻ വാ മഴ മാഞ്ഞു പോയീ വാനമേ നെല്ലോല നുള്ളാൻ വാ പ്രിയ നാടിൻ നന്മയൊന്നു കാണാൻ പുഴ പാടുമീ നാട്ടിലേക്ക് പോരൂ മലകളും കിളികളും പൂവിടും ശലഭവും മിഴികളിൽ തെളിയുമീ പുലരി തൻ ചാരുത (മുളങ്കാടു...)
കൈതകൾ പൂക്കും പുഴയരികിൽ കഞ്ഞിയുമായെത്തും ഉത്രാടരാവിൻ തൂവെള്ള കൈകൾ താളം കൊട്ടുമ്പോൾ (2) ആറ്റുവഞ്ചിയിൽ നിന്നെ നോക്കി പാടിടും നറുനിലാ പൂക്കളേ താരമേ ഈ മഞ്ചാടിക്കുന്നിന്മേൽ കൂടാൻ വായോ (മുളങ്കാടു...)
പൂവാലിപ്പൈക്കൾ മണികിലുക്കും നടവരമ്പുകൾ നീളെ പൂവാലൻകിളികൾ കൂടു കൂട്ടും തെങ്ങോലത്തുമ്പുകളിൽ (2) അങ്ങകലെ ചാഞ്ഞിറങ്ങും ചന്തമായ് പോക്കുവെയിൽ പുന്നാര മാരനേ ഈ മഞ്ചാടിക്കുന്നിന്മേൽ ആടാൻ വായോ (മുളങ്കാടു...)
Movie/Album name: Oru Viseshappetta Biriyani Kissa