Language: Malayalam

(സ്ത്രീ) താളമിടൂ എന്‍ പാട്ടിനു് താളമിടൂ
കൂടെ വരൂ എന്‍ കുയിലിനു കൂട്ടുവരൂ
സങ്കല്‍പ്പങ്ങളിലൊന്നായു് ഒഴുകാം അനുഭൂതികള്‍ പകരാം
തങ്കക്കിങ്ങിണി നാദലയത്തില്‍ കൈകോര്‍ത്തിളകീടാം
ഞാനും നീയും താലേലിക്കും ഗാനോത്സവമായു്
താളമിടൂ എന്‍ പാട്ടിനു് താളമിടൂ
കൂടെ വരൂ എന്‍ കുയിലിനു കൂട്ടുവരൂ

(സ്ത്രീ) ദാഹം കൊള്ളുമ്പോള്‍ ജീവജലം
ഗാനം ദുഃഖത്തില്‍ സ്നേഹജലം
(ദാഹം )
ഏകാന്തതയില്‍ പ്രീയനേ നീ മാഴ്കാതെ
ഏതോ ലഹരിച്ചുഴിയില്‍ നീ താഴാതെ
ഈ രാഗതരംഗിണിയില്‍ നീ നേടാന്‍ വാ
(പു) (താളമിടൂ എന്‍)

(പു) ഉള്ളിന്‍ ഉള്‍പ്പൂവില്‍ തേന്‍മണിയാം
ഗാനം പ്രണയത്തിന്‍ ദോഹദമാം
(ഉള്ളിന്‍ )
(ഡു) ഓടിത്തളരും പാന്ഥന്‍ തണ്ണീര്‍പ്പന്തല്‍
ആടിത്തളരും നേരം നല്‍ താരാട്ടു്
ഈ തമ്പുരുവിന്‍ ശ്രുതി കൊണ്ടാടീടാം വാ
(ഡു) (താളമിടൂ എന്‍)

Movie/Album name: Saayanthanam