Language: Malayalam

നക്ഷത്ര പുള്ളികള്‍ മിന്നുന്ന പട്ടിന്റെ നൈര്‍മല്യ ശിരോവസ്ത്രവും പുതച്ചു നീ
അന്നൊരു ക്രിസ്മസ് നാളില്‍ കുര്‍ബാന കൊള്ളുവാന്‍ വന്നു
(നക്ഷത്ര പുള്ളികള്‍ )

വെണ്‍പ്രാവുകള്‍ പറക്കുന്ന അങ്കണത്തില്‍ എന്റെ
വെള്ളരി പ്രാവ് നീ കുറുകി നിന്നു (2 )
പ്രഭാതത്തിലെ കുളിരിലെന്‍ മുന്നില്‍ (2 )
പരിമളമായി നീ ഒഴുകി വന്നു
(നക്ഷത്ര പുള്ളികള്‍ )

ആയിരം മെഴുതിരികള്‍ മിഴികളില്‍ തെളിഞ്ഞു
മാലാഖയാണെന്ന് എനിക്ക് തോന്നി (2 )
പ്രഭാമയി നീ .... എന്‍ പ്രാണനില്‍ (2 )
അനുരാഗ ദീപ്തി ചൊരിഞ്ഞു നില്‍പു
(നക്ഷത്ര പുള്ളികള്‍ )

Movie/Album name: Onnaamvattam Kandappol