Language: Malayalam

കരയരുതെന്നു പറഞ്ഞു തലോടാൻ
ഇനിയാ കരമില്ലെന്നോ?
വരു അരികേ നീ എന്നു വിളിക്കാൻ
ഇനിയാ സ്വരമില്ലെന്നോ?

ഉയിരാ‍ണച്ഛൻ... തണലാണച്ഛൻ
ഉയരെ പാറാൻ ചിറകാണച്ഛൻ
വളരും തോറും അറിവിൻ കനികൾ
തരുവാനരികിൽ ഗുരുവാണച്ഛൻ

കദനക്കാർമുകിൽ പെയ്തു വരുമ്പോൾ
ഇടവപ്പാതിക്കുടയാണച്ഛൻ
ഉരുകും മനമോടരികിൽ ചെന്നാൽ
മരുഭൂമണലിൽ മഴയാണച്ഛൻ

ഒടുവിൽ പിരിയും പരിണയനാളിൽ
നെടുവീർപ്പുകൾ തൻ നിരയാണച്ഛൻ
പുറമേ ചിരിയും അകമേ കനലും
കരയാ-നരുതാ-തുരുകാ-നച്ഛൻ

അകലേ മറയും മകളേ നോക്കി
അരുതേ മനസ്സിൽ പറയാനച്ഛൻ
ഒരു കൈ വീശി അയക്കുമ്പോഴും
മറുകൈ നെഞ്ചിൽ തടവാനച്ഛൻ

Movie/Album name: Class by a Soldier