Thankabhasma Kuriyitta (Koottukudumbam)[1974]

1986
Lyrics
Language: Malayalam

തങ്കഭസ്‌മക്കുറിയിട്ട തമ്പുരാട്ടീ നിന്റെ
തിങ്കളാഴ്‌ച നൊയമ്പിന്നു മുടക്കും ഞാൻ
തിരുവില്വാമലയിൽ നേദിച്ചു കൊണ്ടുവരും
ഇളനീർക്കുടമിന്നുടയ്‌ക്കും ഞാൻ
(തങ്കഭസ്‌മ ....)

വടക്കിനിത്തളത്തിൽ പൂജയെടുപ്പിന്
വെളുപ്പാൻ കാലത്ത് കണ്ടപ്പോൾ
മുറപ്പെണ്ണേ നിന്റെ പൂങ്കവിളിങ്കൽ ഞാൻ
ഹരിശ്രീ എഴുതിയതോർമ്മയില്ലേ - പ്രേമത്തിൻ
ഹരിശ്രീയെഴുതിയതോർമ്മയില്ലേ
(തങ്കഭസ്‌മ ....)

തുമ്പപ്പൂക്കളത്തിൽ തിരുവോണത്തിന്
തുമ്പിതുള്ളാനിരുന്നപ്പോൾ
പൂക്കുലക്കതിരുകൾക്കിടയിലൂടെന്നെ നീ
നോക്കിക്കൊതിപ്പിച്ചതോർമ്മയില്ലേ - ഒളികണ്ണാൽ
നോക്കിക്കൊതിപ്പിച്ചതോർമ്മയില്ലേ
(തങ്കഭസ്‌മ ....)

കളപ്പുരത്തളത്തിൽ മേടപ്പുലരിയിൽ
കണികണ്ടു കണ്ണുതുറന്നപ്പോൾ
വിളക്കു കെടുത്തി നീ ആദ്യമായ് നൽകിയ
വിഷുക്കൈനീട്ടങ്ങളോർമ്മയില്ലേ - പ്രേമത്തിൻ
വിഷുക്കൈനീട്ടങ്ങളോർമ്മയില്ലേ
(തങ്കഭസ്‌മ ....)
Movie/Album name: Anaswara Gaanangal
Artists