Kanive Murivil (Ethirulil Chodidari)

2025
Lyrics
Language: Malayalam

ഏതിരുളിൽ ചോടിടറി നീ വീണേ പോയി അറിയാതെ
പെയ്തൊഴിയാ വിങ്ങലുമായ് നിൻ മനമിഴയുന്നോ തളരുന്നോ
ഏതിരുളിൽ ചോടിടറി നീ വീണേ പോയി അറിയാതെ
പെയ്തൊഴിയാ വിങ്ങലുമായ് നിൻ മനമിഴയുന്നോ തളരുന്നോ
കുഞ്ഞു കൺകളെന്തേ തിരയുന്നു വീണ്ടും ഒരു തിരിനാളം
സാന്ത്വനങ്ങളാകെ ഒരു മഞ്ഞു മൗനം നനയുകയായ്
കനിവേ മുറിവിൽ തഴുകൂ
ഇനിയീ വഴിയേ നീ ഒഴുകൂ

വിധിയുടെ കനലിൽ
ഉരുകിയ നിധിയാണു നീ
തളിരിതളുകൾ മെല്ലെ
വിരിയണ് മുന്നേ
ചിതറിയ പൂവു പോൽ
വിധിയുടെ കനലിൽ
ഉരുകിയ നിധിയാണു നീ
തളിരിതളുകൾ മെല്ലെ
വിരിയണ് മുന്നേ
ചിതറിയ പൂവു പോൽ
കിനാവ് മാഞ്ഞു പോയോ
ഒരോർമ്മ തേങ്ങലായോ
അനാഥമായ ചിറകുകളെ
തലോടുവാനൊരലിവെവിടെ
ചിതറിയ പൂവു പോൽ
കിനാവ് മാഞ്ഞു പോയോ
ഒരോർമ്മ തേങ്ങലായോ
അനാഥമായ ചിറകുകളെ
തലോടുവാനൊരലിവെവിടെ
കനിവേ മുറിവിൽ തഴുകൂ
ഇനിയീ വഴിയേ നീ ഒഴുകൂ

നാളെ പുലരിയിൽ ഓമൽ ചിരികളിൽ
വേറെ കഥ തെളിയാം
നോവിൻ മഴമുകിൽ ദൂരെ മറയണ
വാനിൽ നിറമെറിയാം
നൂറുനൂറു പടവുകളേറാൻ
തുടരുക നീ നിൻ മറു യാത്ര
സൂത്രവാക്യമൊരു കുറി പോലും
പിഴവുകളില്ലാതെഴുതുക നീ വാഴ്‌വിൽ
നീ വാഴ്‌വിൽ ഉം.... ഉം...
Movie/Album name: Soothravaakyam
Artists