Language: Malayalam

ഒരു തുരുത്തിൻ ഇരുൾവരമ്പിൽ
കുഞ്ഞിച്ചിരിച്ചേലേഴും പുലരിപോലെ
പണ്ടു പണ്ടല്ലിന്നലെ ഇന്നലെയല്ലിന്നല്ലേ നീ വന്നു
കൊക്കിരിക്കും കാലിതൻ കൊമ്പിലേറി കാലംപോയ് നീ വന്നു
ഒരു തുരുത്തിൻ തണുവടുപ്പിൽ കുഞ്ഞിക്കവിൾ ചോപ്പേഴും കനലുപോലെ
പണ്ടു പണ്ടല്ലിന്നലെ ഇന്നലെയല്ലിന്നല്ലേ നീ വന്നു
കൊക്കിരിക്കും കാലിതൻ കൊമ്പിലേറി കാലംപോയ് നീ വന്നു

ചേറിൽനിന്ന് പൊന്തണ് ചെന്താമര പൂവൊന്ന്
ചേല് കണ്ട് ചേറിടം കായലായ്‌ നെറയണ്
രണ്ട് തൊഴ ഒന്നിച്ച് തോടൊന്ന് തൊഴയണ്
ഒറ്റനുകക്കീഴിലെയിരു കന്നുകളുഴുതണ്
പണ്ടു പണ്ടല്ലിന്നലെയല്ലിന്നാണല്ലോ
ഇന്നേയ്ക്കല്ല നാളേയ്ക്കല്ല എന്നെന്നേയ്ക്കും
കാലി പോയ് കൊക്കും പോയ് കാലം പടിഞ്ഞാട്ട് പോയ്‌
പോയില്ലമൽക്കായലും കണ്ടലും വിട്ടെങ്ങെങ്ങും

ഒരു തുരുത്തിൻ തണുവടുപ്പിൽ കുഞ്ഞിക്കവിൾ ചോപ്പേഴും കനലുപോലെ
പണ്ടു പണ്ടല്ലിന്നലെ ഇന്നലെയല്ലിന്നല്ലേ നീ വന്നു
കൊക്കിരിക്കും കാലിതൻ കൊമ്പിലേറി കാലം പോയ് നീ വന്നു

Movie/Album name: Thottappan