Language: Malayalam

സുഖിക്കാം വാ
മൂഷികരേ വരിവരി

ഇനിമേൽ നാം
ഒറ്റ മുറി ഒറ്റ വിരി
ഭജിക്കാം വാ ഒത്തുചൊല്ലാം
ദൈവമൊഴി
വിളിച്ചോ നീ
എത്തുകില്ലാ രക്ഷയിനി

പുതയ്ക്കാനായ്
കഞ്ഞിമുക്കാം വെള്ളത്തുണി
പുകയ്ക്കാനായ്
ചന്ദനത്തിൻ തിരി മതി
അലങ്കാരം
രണ്ടു വീതം പഞ്ഞിയുണ്ട
അവസാനം വിശ്രമിക്കാൻ
മണ്ണിന്നടി

പെട്ടീം പായെടുത്തൊരു
വാതിലിൽ മുട്ടാം
വിരലില്ലാതെ
നട്ടപ്പാതിരയ്ക്കൊരു
പാട്ട് മുഴക്കാം പതിവില്ലാതെ
പെട്ടെന്നാകെ മുന്നിലെ
ഭിത്തിയിലോരോ നിഴലാടുമ്പോൾ
കണ്ടിട്ടോടിടല്ലേ ഓരിയിടല്ലേ

ചെയ്യും പിഴ പിഴ പിഴ
അതിൻ വില കൊടും വില
തെറ്റും നില സമ നില
മൊത്തം വിറ വിറ
തുപ്പും നുര പത
ചോരക്കറ കൊണ്ട്
നിറയ്ക്കും പുര

നിങ്ങൾക്ക് ആദരാഞ്ജലി നേരട്ടേ
നിങ്ങൾക്ക് ആദരാഞ്ജലി നേരട്ടേ

Movie/Album name: Romancham