Language: Malayalam

നറുചിരിയുടെ മിന്നായം
കണ്ണോരം കണ്ടേ
നദിയൊഴുകണ പോലാരോ
പിന്നാലെ വന്നേ
നടവഴിയുടെ ഓരങ്ങൾ
പൂചൂടാൻ എന്തേ
കുടകരികിലെ തൂമഞ്ഞോ
കണ്ണൂരിൽ പെയ്തേ

മനമാകയോ പുതുസൗരഭം
പകരുന്നൊരാൾ അതിലോലമായ്
വിരലോടിതാ വിരൽ ചേർക്കവേ
അലിയുന്നു നാം പ്രണയാർദ്രമായി

നറുചിരിയുടെ മിന്നായം
കണ്ണോരം കണ്ടേ
നദിയൊഴുകണ പോലാരോ
പിന്നാലെ വന്നേ
നടവഴിയുടെ ഓരങ്ങൾ
പൂചൂടാൻ എന്തേ
കുടകരികിലെ തൂമഞ്ഞോ
കണ്ണൂരിൽ പെയ്തേ

വിരൽ ചേർക്കവേ ആ ആ

തണുവണി തെരുവിൽ
തിനവയൽ കരയിൽ
ഇരുനിഴൽ ചേരും പോലെ
പരിചിതമാകും പോലെ

മൊഴിയിൽ നിറയും
മധുര വിചാരം
പല കഥ ചൊല്ലും പോലെ
പരിമൃദു ഗാനം പോലെ

ഇരുളാകിലും നനവാകിലും
ഇമമൂടുമെൻ നിറദീപമേ
ചെറുതാകിലും വലുതാകിലും
ഇനിനിന്നിലാണെൻ ലോകമേ

ഏതോ ഒരനുവാദം തേടി
നീയെന്റെ തനുവോരം നിൽക്കേ
ഞാൻ മെല്ലെ ഉരുകുന്നതെന്തേ

ഇളനീർ കുളിരായി
മിഴികൾ തമ്മിൽ
പകരുകയാണീ ചൂടിൽ
പ്രണയസ്വകാര്യം മെല്ലെ

നിന്നിലായി
ചെവിയോർത്തിടാൻ
കൊതിയോടെ ഞാൻ
പ്രിയമോടെ നീ വിളിയേകുമോ
അരുതായ്ക തൻ അതിരില്ലിനി
അനുരാഗമാണകമാകവേ

നറുചിരിയുടെ മിന്നായം
കണ്ണോരം കണ്ടേ
നദിയോഴുകണ പോലാരോ
പിന്നാലെ വന്നേ

Movie/Album name: Pranayavilaasam