Language: Malayalam

പുഴയൊരുങ്ങി കിളിയൊരുങ്ങി കനകവെയിലുമൊരുങ്ങി
അകലെയകലെ മുകിലിൻ തേരിൽ വരുവതാരിനി താഴെ
മിഴിയടയ്ക്കാതിവിടെ ഞാൻ വരവു കാണാൻ കൊതിയുമായ്
ഒരു കുളിരലക്കൈ തഴുകിയെന്നെ അരികിൽ ചേർക്കാമോ

മുന്നിൽ ഇന്നെൻ മുന്നിൽ മെല്ലെ വന്നെൻ
കണ്ണീരൊപ്പാൻ ചെല്ലക്കാറ്റേ പോരൂ
പിന്നെ ചുണ്ടിൽ മുത്തം തന്നാൽ ഒന്നിച്ചങ്ങു പോകാം
തിങ്കൾതോളിൽ കേറാം
അമ്മയ്ക്കു ഞാനൊരു കണ്മണി
എന്നെന്നും അമ്പിളി പാൽച്ചിരി
കിന്നാരം വേണം പുന്നാരം വേണം നെഞ്ചോരം ചേർന്നുറങ്ങാൻ

പൊന്നും മുത്തം കൊണ്ടും തുന്നും കുഞ്ഞുടുപ്പും
കൊണ്ടേ അന്തിച്ചോപ്പും വന്നേ
ഒന്നാ മന്ത്രച്ചൂരൽ വീശി മേഘച്ചിറകേകി എന്നെ കൊണ്ടുപോകൂ
കൊഞ്ചുമ്പോൾ ഞാനൊരു കിങ്ങിണി
മിന്നാരം മിന്നണ പൂത്തിരി

സമ്മാനം വേണം സല്ലാപം വേണം
വിണ്ണോളം പോയ് വരണം
സമ്മാനം വേണം സല്ലാപം വേണം
വിണ്ണോളം പോയ് വരണം

പുഴയൊരുങ്ങി കിളിയൊരുങ്ങി കനകവെയിലുമൊരുങ്ങി
അകലെയകലെ മുകിലിൻ തേരിൽ വരുവതാരിനി താഴെ

Movie/Album name: Overtake