Language: Malayalam

മാലയിട്ടു് വ്രതം നോറ്റു് മണ്ഡലം തീര്‍ത്തു് - ശബരീ
മാമലയ്ക്കു് കെട്ടുമേന്തി വരികയായി സ്വാമി
(മാലയിട്ടു് )
കഷ്ടതകളുരുക്കി നെയു്ത്തേങ്ങ നിറച്ചു
അതില്‍ മുദ്ര വച്ചു ഇരുമുടിയില്‍ ഭദ്രമായി വച്ചു
(കഷ്ടതകളുരുക്കി )
(മാലയിട്ടു് )

തൊട്ടുതൊഴുതു് ശിരസ്സില്‍ വച്ചിറങ്ങുന്നേരം - പാവ
പ്പെട്ട നാടിന്‍ പ്രാര്‍ത്ഥനകള്‍ കൂടെ എത്തുന്നു
(തൊട്ടുതൊഴുതു് )
ലോകദുരിതഭയങ്ങള്‍ വന്നു തരം കെടുത്താതെ
ഈതിബാധകളേശിടാതെ ഇരുട്ടു മൂടാതെ
(ലോക )
(മാലയിട്ടു് )

എന്റെ മണ്ണു് വരള്‍ച്ച കൊണ്ടു് കരിഞ്ഞു പോകാതെ - സ്വാമി
എന്നുമരുള്‍മഴ തന്നു പൊന്നു വിളഞ്ഞു പൊലിയേണം
കുടിലു തോറും നിലവിളക്കില്‍ തിരികളെരിയേണം - സ്വാമി
കുഞ്ഞുപൈതങ്ങള്‍ക്കു അന്നമോടക്ഷരം തരണം
കനിയണം കാത്തരുളണം തുണയേകണം സ്വാമി
ഈ കലിയുഗത്തിനു വരദനായി വിളങ്ങുമയ്യപ്പാ
(കനിയണം )
(മാലയിട്ടു് )

Movie/Album name: Swami