Language: Malayalam

കാതലേ..കണ്ണിൻ കാവലെ
തെന്നലായ്...മെല്ലെ വന്നു നീ
എന്നിലെ....ചില്ലമേലെ പൂക്കൾ കൊണ്ടുതന്നു നീ
കാതലേ...
എന്തിനെന്നെ നീ വിളിച്ചു തൂവലായ്..
ഹൃദയവാടിയിൽ പറന്നു
മാരിവിൽ...ചേലകൊണ്ടു മൂടിയെന്നെ നീ
അരിയ മഞ്ഞുതുള്ളി ഉള്ളുതൊട്ട പോലെ നിൻ സുഖം
കവിളിലുമ്മ തന്ന പോലെ ഞാൻ മയങ്ങിയോ സ്വയം

ഇത്രനാൾ അറിഞ്ഞിടാത്ത കൗതുകം വിടർന്നുവോ
അത്രമേൽ മനസ്സിലിന്നു നീ നിറഞ്ഞു നിന്നുവോ
ആശകൊണ്ടൊരായിരം കിനാക്കളിന്നു നെയ്തെടുത്തുവോ

കാതലേ
ആരീ മാന്ത്രികൻ
ഇന്നലെ..വന്നണഞ്ഞവൻ
തിങ്കളായ്...എന്റെ നീല നീലരാവിൽ വന്നവൻ
ഇന്ന് ഞാൻ
എന്തിനോ നനഞ്ഞു തീർത്തു
മാരികൾ വെറുതെ നോക്കിനിന്നു ദൂരെ
ആരൊരാൾ
എന്നടുത്തു വന്നു കാണുവാൻ
പതിയെ പൂത്തുലഞ്ഞു തേൻകിനിഞ്ഞു പൂവ് പോലെയായ്
ഇതളിൽ ഊർന്നുനിന്ന രാഗമിന്നു നിന്റെ മാത്രമായ്

ഇത്രനാൾ അറിഞ്ഞിടാത്ത കൗതുകം വിടർന്നുവോ
അത്രമേൽ മനസ്സിലിന്നു നീ നിറഞ്ഞു നിന്നുവോ
ആശകൊണ്ടൊരായിരം കിനാക്കളിന്നു നെയ്തെടുത്തുവോ

കള്ളനോട്ടമെറിഞ്ഞു കണ്ണുകൾ കവർന്നുവോ
കള്ളിമുള്ളു കൊണ്ടപോലെ ഞാൻ വളഞ്ഞു നിന്നുവോ
കള്ളമല്ല കാവ്യമെന്നു കാതിലായ് മൊഴിഞ്ഞു തന്നുവോ

Movie/Album name: Maradona