പാർട്ടിയാപ്പീസിന്റെ നെറ്റിയിൽ കെട്ടുവാൻ രാത്രിയിൽ ചോരക്കിനാക്കൊടി തുന്നിയും നെഞ്ചോടു ചേർത്ത് കരഞ്ഞും ഞെളിഞ്ഞും സങ്കടത്തീക്കനൽ തൊണ്ടയിൽ വച്ചിട്ട് പിന്നിൽ നടന്നതും താണു ഞെരിഞ്ഞതും പിന്നെ കിനാവിൻ കലപ്പ നാക്കായ് വന്നു മണ്ണു തെളിച്ചു വിയർത്തു കിതച്ചതും ഞാനേ കീഴാളൻ കൊടിക്കമ്പിന്റെ നാക്കാളൻ
കല്ലരിക്കഞ്ഞിയിൽ വെണ്ണിലാവുപ്പിട്ട് കണ്ണെത്താക്കാവിലെ കാലനെ ചാറ്റീട്ട് വോട്ടുപത്തായക്കുരുക്കിൽ കുനിഞ്ഞിരു- ന്നാശയ്ക്കു വിത്തിട്ട് പോഴത്തമാക്കീട്ട് പുട്ടിലും തട്ടി പുറം തിരിഞ്ഞോടുന്ന ചൊക്കന്റെ പിന്നാലെ ആളും മനസ്സുമായ് തീപിടിക്കുന്ന വിളഞ്ഞപാടം പോലെ നായ്ക്കുട്ടി തട്ടിയുടച്ച കുടം പോലെ വീണേ കീഴാളൻ കണ്ണുനീരിന്റെ നേരാളൻ