Narabhoji (Promo Song) (Pettavare Uttavare)

2024
Lyrics
Language: Malayalam

പെറ്റവരേ ഉറ്റവരേ കാട്ടുമൃഗം വീട്ടിനുള്ളിൽ
തേറ്റയില്ലാ കൊമ്പുമില്ലാ രണ്ടുകാലൻ ആണൊരുത്തൻ
ദേ കണ്ടാ കണ്ടാ പുഞ്ചിരിക്കണ്
ഇഞ്ചിഞ്ചായ് നമ്മേ തിന്നിരിക്കണ്
ചിന്തയിൽപ്പോലും ചങ്കെരിയ്ക്കണ്
കണ്ടാൽ ശാന്തൻ കൊണ്ടാൽ ആൾ അസുരൻ

ഞാൻ കാടിറങ്ങിയൊരു മൃഗമല്ലേ
എൻ കണ്ണിൽ പകയുടെ വെറിയല്ലേ
കൈകാലുകൾ തമ്മിൽ ഇടറല്ലേ
നാം തമ്മിൽ കണ്ടാൽ പകയല്ലേ
ഞാൻ കൂട്ടം തെറ്റിയ കാട്ടാന
തെമ്മാടിക്കൂട്ടിൽ താപ്പാന
നിൻ കയ്യും മെയ്യും ഒന്നായ് വിറയ്ക്കും
എന്റെ മുന്നിൽ പെട്ടാൽ
ഞാനൊരു കാണ്ടാമൃഗം
കാടുകയറി താണ്ടാമലയും പുഴയും കടന്നു വേട്ടയാടി
വേണ്ടാതീനം വേണ്ടുവോളം വാരിവിതറി
പോരിനു വേണേൽ പോരട്ടെ
നുണയും ചതിയും പെരുകട്ടെ
ഈ നരഭോജികളുടെ നാട്ടിൽ
വെറുമൊരു ഘാതകനായ് ഞാൻ മാറട്ടെ

പകച്ചു നിൽക്കാൻ ഒരുക്കമല്ല
മനസ്സു പണ്ടേ മരിച്ചതാ
പിടിച്ചുകെട്ടാൻ ശ്രമിച്ചിടണ്ട
എനിക്കിതൊക്കെ പൊരുത്തമാ
തിടുക്കമെന്തേ ഇവർക്ക് എന്നെ കുഴിച്ചു മൂടാൻ
എനിക്കു ചുറ്റും ചോര കുടിക്കാൻ പറന്നടുക്കും
കഴുകന്മാർ പോൽ
പക്ഷേ ഞാനൊരു കാണ്ടാമൃഗം
കാടുകയറി താണ്ടാമലയും പുഴയും കടന്നു വേട്ടയാടി
വേണ്ടാതീനം വേണ്ടുവോളം വാരിവിതറി
പോരിനു വേണേൽ പോരട്ടെ
നുണയും ചതിയും പെരുകട്ടെ
ഈ നരഭോജികളുടെ നാട്ടിൽ
വെറുമൊരു ഘാതകനായ് ഞാൻ മാറട്ടെ
Movie/Album name: ED Extra Decent
Artists