സുവർണ്ണ സൂര്യൻ ഇരുളിൽ മറഞ്ഞു വസന്ത പൗർണ്ണമി മാഞ്ഞു (സുവർണ്ണ) വാർമതിയൊളിയിൽ നീരദമായ് ഇരുൾ ചിറകേറി മായുകയോ വേർപിരിയുന്നോ മൂകസന്ധ്യേ (സുവർണ്ണ സൂര്യൻ ...)
എന്തിനു പൂക്കും ഈ പാഴ്മരങ്ങൾ എന്തിനെന്നറിയാതെ കൊഴിയും (എന്തിനു) തീരം കാണാതെ തേങ്ങും തിര പോലെ (2) വിങ്ങും കനവുകൾ നിനവറിയാതെ ഉരുകുന്നൊരീയഴൽ ധാരയായീ മിഴികളിൽ നിറഞ്ഞൊരു അലയാഴിയാകും (സുവർണ്ണ സൂര്യൻ ...)
ആരെയോ കാത്ത് കനവുകളെഴുതും എന്തിനെന്നറിയാതെ ഹൃദയം (ആരെയോ) അകലം തോന്നാതെ കാണും മുനമ്പേറി (2) നീളും പ്രതീക്ഷകൾ തുഴയും കളിത്തോണി ഒഴുകുന്നൊരീയഴലാമ്പുവിൽ... മിഴിനീർ നനഞ്ഞൊരു നിറയാഴിയാകും (സുവർണ്ണ സൂര്യൻ ...)